***
რაც უფრო ახლოს წარმოვიდგენთ ჩვენი აღსასრულის დღეს, მით უფრო შეიძლება გავაუმჯობესოთ დარჩენილი ყოველდღიური ცხოვრება
***
ვისაც სამშობლო უყვარს, ის არც თანამემამულეს აწყენინებს და გაუფრთხილდება მას. ამაზე მეტს რას უნდა მიაღწიო და ამაზე მეტი რა უნდა მოიპოვო? მოყვასზე მეტად საკუთარი პატივმოყვარეობა თუ გეძვირფასება, რა სამშობლოს სიყვარულსა და გათავისუფლებაზეა საუბარი? ან ვის რად უნდა ამ უმარტივესი ჭეშმარიტების გარეშე აღდგენილი ან კანონიერება, ან ეროვნულობა, რაც სხვა არაფერი იქნება, თუ არა კარიკატურა და ფარსი?
***
პატივმოყვარეობას ცხოვრებაში ბევრი რამ ისე სურს ხოლმე, რომ მისთვის ადამიანი შეიძლება ნაკლებმნიშვნელოვანი გახდეს. ამ დროს, კეთილგონიერებაა ის, რაც ყველას და ყველაფერს თავის კუთვნილ ადგილს მიუჩენს და ამით ბედნიერების ჰარმონიულობას უზრუნველყოფს.
კონსტანტინე (კოკა) ვეკუა: სხარტი სხივები 