* * *
ცხოვრებაში უმთავრესი არის სიცოცხლე და არა მისი მატერიალური გამოვლინებები.
* * *
მდგრადი მომავლის შექმნა გაუჭირდება იმ ერს, რომელიც საკუთარ მერმისს მხოლოდ გეოგრაფიული ორიენტირების მეშვეობით განსაზღვრავს.
* * *
პრომეთეული ცნობიერების სახისმეტყველება მეტაფიზიკური შეზღუდულობის ალუზიაა. ჰიპერ/პოსტ/მეტამოდერნიზმი სწორედ ამ ფარგლების დაცლა-დაწურვის ხანაა ადამიანური განვითარების სიმწიფის შემდგომ ხარისხზე გადასასვლელად.
* * *
თუკი ურთიერთობა-ურთიერთქმედებისას გარესამყაროში შეხვედრილი სირთულეების/ამოცანების გასაღებს საკუთარი თავის ლაბირინთებში არ/ვერ მიაკვლევ, ვერც სხვაგან მოახერხებ გამოსავლის პოვნას.
* * *
წუთისოფლის წარმავალ, ეფემერულ ხმაურსა და ფაცაფუცს რომ ვაკვირდები, დუმილით ვპასუხობ სინამდვილეს, დუმილით ვეხები მას.
* * *
კონსტანტინე (კოკა) ვეკუა: სხარტი სხივები 