***
თუკი ლიტერატურის უმთავრესი მიზანი მოყვასის შეყვარებაა და წიგნისა კი ის, რომ აზროვნება დაგაწყებინოს, ეს ორი მიზანი ერთმანეთთან პირდაპირკავშირშიც ყოფილა.
***
იქ, სადაც პირადი და საზოგადოებრივი ბედნიერება ერთანეთისგანაა დაშორებული, ადრე თუ გვიან, აუცილებლად სავალალო შედეგებს მივიღებთ.
***
ვისაც სიყვარული რ აქვს, საკუთარ თავს უფრო უფრთხილდება და მისი დაკარგვის ეშინია. მაშინ, როდესაც სიყვარულით სავსე სხვასთან შერწყმით კიდევ უფრო ზრდის და იმდიდრებს თავის თავს.
***
თუ ცხოვრობ, ესე იგი, სიკვდილიც იცი. თუ კვდები, სიცოცხლესაც სცნობ. მაგრამ თუ მხოლოდ არსებობ, არც ერთი იცი და არც მეორე.
***
ურთიერთობები გამოწვევების გარეშე არ არსებობს. მთავარია, როგორი დამოკიდებულებით გადავლახავთ მათ. ჯანსაღი განწყობების მქონე წყვილში სირთულეების მოგვარება ერთად და კონსტრუქციულად ხდება. ნებისმიერ შემთხვევაში, აქ ორივე ერთმანეთს და ერთად ცხოვრებას ირჩევს, რადგან ორივესთვის ერთურთი უფრო მთავარია, ვიდრე საკუთარი თავი. ხოლო იქ, სადაც ურთიერთობა კომპლექსებზეა აგებული, საკუთარი თავი სხვაზე უფრო მნიშვნელოვანია და სახეზე სირთულეებისაგან მუდმივი გაქცევის ტენდენცია გვაქვს, რაც სხვა არაფერია, თუ არა ინფანტილურ დონეზე დარჩენა.
***
ყველაფერი, რასაც კეთილი, თუ უკეთური სახით ახორციელებს ადამიანი, ღვთის ხატობის განვითარების, ან მისი დამახინჯების გამოვლინებაა.
***
თავისუფლება და კულტურა ერთმანეთის გარეშე არ არსებობს, რადგან ის რომ გვეკეთებინა, რაც მხოლოდ ჩვენ გვინდა და არ გაგვეთვალისწინებინა სხვა ადამიანთა მისწრაფებები, ცხოვრება გაცილებით უფრო ღარიბი იქნებოდა და ძე კაცისა მოკლებული იქნებოდა განვითარების აუცილებელ, დამატებით საშუალებას, რაც ინტერაქციაში მდგომარეობს.
***
კარგი პოლიტიკის საფუძველი კეთილგონივრული რეფლექსიაა როგორც ინდივიდუალურ, ასევე საზოგადოებრივ დონეზე.
კონსტანტინე (კოკა) ვეკუა: სხარტი სხივები 