* * *
წუთისოფლის საცდურებით დაბანგული ერი არაა მწიფე თავისუფლებისათვის.
* * *
სადაც სიყვარულია, იქ ზნეობაცაა. სადაც ზნეობაა, იქ წესიერებაა, სადაც წესიერებაა, იქ ჭეშმარიტი სიცოცხლის ზეიმია და სადაც სიცოცხლეა, იქ ბედნიერებაა.
და პირიქით: სადაც სიყვარულის ნაკლებობაა, იქ ზნეობა ირღვევა. სადაც ზნეობა ირღვევა, იქ გარყვნილება ისადგურებს. სადაც გარყვნილება იდგამს ფეხს, იქ მკვლელობა ჩნდება და სადაც მკვლელობა ძალუმობს, იქ თვითმკვლელობამდე მივდივართ საბოლოოდ.
* * *
ქართველობა ოჯახიშვილობა კი არაა ოდენ, არამედ ერიშვილობაც და მამულიშვილობაც.
* * *
ბედნიერება შინაგან ზრდას მოითხოვს.
* * *
სიყვარული ქმნის და ამწიფებს პიროვნებას.
* * *
სიყვარული შინაგანად ზრდასრული პიროვნების ნიჭია.
* * *
სიყვარული ჭეშმარიტებაა, ჭეშმარიტება სისავსეა, სისავსე ძალაა, სიძლიერე მშვიდია, სიმშვიდე მწიფეა.
* * *
რა არარაობა და მდაბიოა ის ადამიანი, რომელიც საკუთარ თავს ღმერთის ადგილას აყენებს. არადა, რა ამაღლებული და დიდებულია თავმდაბალი.
* * *
არარასა და სიყვარულს შორის სიცოცხლე და სიკვდილია.
* * *
ვინ მხოლოდ სიცოცხლესა და სიკვდილს ირჩევს, ვინ კი-სიყვარულს.
* * *
პოეზია მეტია, ვიდრე სიბრძნე.
* * *
სული მეორე ადამიანის თვალებში სულს ოდენ გულით კითხულობს.
* * *
რადგან სიყვარული თვითონ ღმერთია, უფრო მეტია, ვიდრე სიცოცხლე და სიკვდილი.
* * *
სიყვარული და სიგიჟე განსხვავდებიან ერთმანეთისაგან. მათ ერთმანეთში მხოლოდ შლეგები ურევენ
კონსტანტინე (კოკა) ვეკუა: სხარტი სხივები 